വളാഞ്ചേരി, എടയൂർ ചീരമ്പത്തൂർ കുടുംബത്തിലെ ആലിക്കുട്ടി ഹാജി ആയിഷ ഹജ്ജുമ്മ ദമ്പതികളുടെ ഏട്ട് മക്കളിൽ നാലാമൻ. ശൈഖുനാ അത്തിപ്പറ്റ മൊയ്തീൻകുട്ടി മുസ്‌ലിയാരുടെ മരുമകൻ.

വാഗ്മിയും പ്രഭാഷകനുമായ ശൈഖുനാ ദർസ് പഠനം പൂർത്തീകരിച്ചത് ഉസ്താദ് എം. കെ. എം ബാഖവി പാലൂർ, അത്തിപ്പറ്റ സി. കെ അബ്ദു മുസ്‌ലിയാർ, യു. കുഞ്ഞാലി മുസ്ലിയാർ എന്നിവരിൽ നിന്നാണ്. ദർസ് പഠനശേഷം ഉത്തർപ്രദേശിലെ ഉന്നത മത കലാലയങ്ങളിൽ ഉപരിപഠനം നടത്തി നദവി, ഖാസിമി ബിരുദങ്ങൾ കരസ്ഥമാക്കി. തുടർന്ന് പ്രഭാഷണ രംഗത്തും ദർസ് രംഗത്തും വലിയ മുന്നേറ്റമാണ് ശൈഖുനാ കാഴ്ചവെച്ചത്.മൂർക്കനാട്, പഴുന്നാന, പുറമണ്ണൂർ,വളാഞ്ചേരി, ഇരുമ്പാലശ്ശേരി, മന്ദലാംകുന്ന്, പട്ടിക്കര, പൊന്നുരുന്നി എന്നിവിടങ്ങളിലായി 30 വർഷത്തോളമായി ദർസ് നടത്തിവരുന്ന ശൈഖുനാ ഈ കാലയളവിൽ ഒരുപാട് ശിഷ്യ സമ്പത്ത് കരസ്ഥമാക്കി.

കേരളത്തിനകത്തും പുറത്തും നിരവധി മഹല്ലുകളിലും സ്ഥാപനങ്ങളിലും ജോലി ചെയ്യുന്ന ബിരുദധാരികളായ ശൈഖുനയുടെ ശിഷ്യരുടെ കൂട്ടായ്മയാണ് ജംഇയ്യത്തു മിൻഹാജിൽ ഫലാഹ്. സമൂഹത്തിൽ കഷ്ടത അനുഭവിക്കുന്നവർക്ക് വീട് നിര്‍മാണം, ചികിത്സാ സഹായം, വിവാഹ ധന സഹായം, തുടങ്ങി വിദ്യാഭ്യാസ ചാരിറ്റി മേഖലകളിൽ അനവധി നിരവധി പ്രവർത്തനങ്ങൾ ഈ കാലയളവിനുള്ളിൽ സംഘടനക്ക് നടത്താൻ കഴിഞ്ഞിട്ടുണ്ട്(الحمد لله). വിദ്യാഭ്യാസ രംഗത്ത് കൂടുതൽ ശ്രദ്ധ കൊടുക്കുക എന്ന ജംഇയ്യത്തു മിൻഹാജിൽ ഫലാഹിന്റെ ചിന്തയിൽനിന്ന് പിറവി കൊണ്ടതാണ് മിൻഹാജുൽ ഫലാഹ് ഹിഫ്ളുൽ ഖുർആൻ അക്കാദമി.